जनादेश दैनिक :
रक्षाबन्धन हिन्दु धर्मावलम्बीको एक ठूलो चाड हो । यो चाड प्रत्येक संवत्सरको श्रावण शुक्ल पूर्णिमाका दिन मनाइन्छ । रक्षाबन्धनका दिन अर्थात् श्रावण सोमबार गुरूपुरोहितद्वारा हातमा रक्षासूत्र बाँधेर मनाइने परम्परा छ ।
रक्षाबन्धन सांकेतिक हातमा बाँधिन्छ, जहाँ शरीरका नौनाडीहरु चलिरहेका हुन्छन् । मानिसको दम वा प्राण छ कि छैन भनेर यही नाडीको नसामा छाप्ने वा मापण गर्ने गरिन्छ ।
बाँधिएको धागोले धन, शक्ति, हर्ष र विजय प्राप्त गराउँछ ।
देवासुर संग्राममा दानवबाट पराजित हुँदै गएका ईन्द्रसहितका देवता शक्ति आर्जन र असुरमाथि विजय प्रप्त गर्ने उद्देश्यले देवगुरु बृहस्पतिको हार्दिक पुकार गर्दछन् ।
पहिल्यै जानकार रहेका देवगुरु वृहस्पतिले हातमा रक्षाबन्धन लिएर देवताहरुको भौतिक शरीर रक्षाका लागि रक्षाबन्धन हातमा बाँधिदिन्छन् । आखिर यो चलन यहीबाट चलिआएको मानिन्छ ।
देवतालाई रक्षाबन्धन बाँधिदिएपछि लडाइँमा उनीहरुको विजय हुन्छ । रक्षाबन्धनलाई आफ्नो रक्षा र शत्रु नाशकका रुपमा लिइन्छ ।
