टेस्ला मोटर्सका सीइओ एलोन मस्क ९.२ प्रतिशत सेयर लिएसँगै सामाजिक सञ्जाल ट्विटरको बोर्ड अफ डाइरेक्टरमा सामेल हुने भएका छन् ।
मंगलबार ट्विटरका प्रमुख कार्यकारी अधिकृत पराग अग्रवालले मस्क ट्विटरको बोर्ड अफ डाइरेक्टरमा सामेल हुने जनाएका हुन् । उनले ट्वीटमा लेखेका छन्, हालैका हप्ताहरूमा एलोनसँगको कुराकानीबाट, यो स्पष्ट भयो कि उनले हाम्रो बोर्डमा ठूलो मूल्य ल्याउनेछन् ।
यस्तै, मस्कले पनि कम्पनीमा जोडिएको जनाउँदै ट्वीटरमा महत्त्वपूर्ण सुधारहरू गर्न सीइओ पराग र बोर्डसँग काम गर्न तत्पर रहेको बताएका छन् । मस्क ट्वीटरको बोर्ड अफ डाइरेक्टरमा सामेल हुने समाचार बाहिरिएसँगै मंगलबार कम्पनीको शेयर २ प्रतिशतले वृद्धि भएको छ ।
