काठमाडौँ,
नेपाली काँग्रेसका सभापति शेरबहादुर देउवाले पार्टीका केन्द्रीय सदस्य एवं पूर्वमन्त्री मोहनबहादुर बस्नेतका पिता खड्गबहादुर बस्नेतको निधनप्रति दुःख व्यक्त गर्नु भएको छ । बस्नेतको ८४ वर्षको उमेरमा गएराति महाराजगञ्जस्थित त्रिवि शिक्षण अस्पतालमा उपचारका क्रममा निधन भएको हो ।
सभापति देउवाले आज एक शोक विज्ञप्तिमार्फत उहाँप्रति भावपूर्ण श्रद्धाञ्जलि अर्पण गर्दै केन्द्रीय सदस्य मोहनबहादुर बस्नेतलगायत शोक सन्तप्त परिवारजनमा समवेदना प्रकट गर्नुभएको छ ।
स्व बस्नेतले नेपालको लोकतान्त्रिक आन्दोलनमा सक्रिय भूमिका निर्वाह गर्नुभएको थियो । उहाँको निधनबाट काँग्रेसले एक अग्रज व्यक्तित्वलाई गुमाएको जनाइएको छ । रासस
