जनादेश वेदर वाच।
पश्चिमी न्यून चापीय प्रणालीको प्रभाव रहँदा देशको केही भू–भागमा हिमपात हुने भएको छ । जल तथा मौसम विज्ञान विभागका अनुसार आज दिउँसो देशका हिमाली भू–भागका एकदुई स्थानमा हल्का हिमपातको सम्भावना छ ।
गण्डकी प्रदेश र वाग्मती प्रदेशका पहाडी भू–भागमा आज बिहान आंशिक बदली रहेको छ । बाँकी भू–भागमा मौसम सामान्यतया सफा रहेको छ ।
विभागका अनुसार आज दिउँसो सुदूरपश्चिम र कर्णाली प्रदेशमा आंशिकदेखि सामान्य बदली रहनेछ । बाँकी प्रदेशमा मौसम सामान्यतया सफा रहनेछ । देशका हिमाली भू–भागका एकदुई स्थानमा हल्का हिमपातको सम्भावना छ ।
विभागले आज राति सुदूरपश्चिम, कर्णाली र गण्डकी प्रदेशमा आंशिकदेखि सामान्य बदली रहने जनाएके छ । बाँकी प्रदेशमा आंशिक बदलीदेखि मौसम सामान्यतया सफा रहनेछ । हिमाली भू–भागका केही स्थानमा हल्का हिमपातको सम्भावना छ ।
देशका अधिकांश भू–भागमा तापक्रम क्रमिक रूपमा घट्दै जाने तथा तराईका केही भू–भागमा बिहानीपख हुस्सु र कुहिरो लाग्ने सम्भावना रहेकाले दैनिक जनजीवन प्रभावित हुनसक्ने सम्भावना रहेको छ । सडक तथा हवाई यातायात सेवामा पनि हुस्सु र कुहिरोका कारण न्यून भिजिलिटी हुँदा प्रभाव पर्ने सम्भावना रहेकाले आवश्यक सतर्कता अपनाउन विभिागले आग्रह गरेको छ ।
