बुधबार सेयर बजार राताम्मे भएको छ । सेयर बजार परिसूचक नेप्से ३८.८३ अंकले घटेर एक हजार ८४९.७९ विन्दुमा पुगेको छ ।
बैंकिङ १८, विकास बैंक ७०, फाइनान्स ३४, होटल तथा पर्यटन १२५, जलविद्युत् ६१, जीवन बीमा २२८, उत्पादन १७२, माइक्रोफाइनान्स ६३, निर्जीवन बीमा २२२, अन्य २० र ब्यापार उपसमूह ३५ अंकले घटेको छ ।
आज युनिलिभर नेपालको सेयर १० प्रतिशतले घटेको छ । समग्रमा बजार घटे पनि आत्मनिर्भर लघुवित्तको सेयर १० प्रतिशतले बढेको छ ।
यस दिन २६२ कम्पनीका ८७ लाख ३६ हजार कित्ता सेयर दुई अर्ब ३१ करोड रुपैयाँमा कारोबार भएको छ । सबैभन्दा धेरै प्रभु बैंकको ३४ करोड २८ लाख रुपैयाँको सेयर किनबेच भएको छ ।
