आइतबार सेयर बजार दोहोरो अंकले बढेको छ । सेयर बजार परिसूचक नेप्से १४.८१ अंकले बढेर दुई हजार ०८०.८६ विन्दुमा पुगेको छ ।
बैंकिङ उपसमूह १३, विकास बैंक २१, होटल तथा पर्यटन १०७, जलविद्युत् १८, जीवन बीमा ५८ र निर्जीवन बीमा उपसमूह २४१ अंकले बढेको छ । यस्तै, फाइनान्स १, उत्पादन १०, माइक्रोफाइनान्स १३ र अन्य उपसमूह ०.१ अंकले घटेको छ ।
आज सबैभन्दा धरै थ्रीस्टार हाइड्रोपावर र अपर स्याङ्जेको सेयर १० प्रतिशतले बढेको छ । समग्रमा बजार बढेपनि आज घोराही सिमेन्टको सेयर १० प्रतिशतले घटेको छ ।
यसदिन २७१ कम्पनीको ९७ लाख १८ हजार सेयर तीन अर्ब एक करोड रुपैयाँमा कारोबार भएको छ ।
