सोमबार सेयर बजार सामान्य अंकले बढेको छ । सेयर बजार परिसूचक नेप्से ७.०४ अंकले बढेर एक हजार ९६७.८३ विन्दुमा पुगेको छ ।
बैंकिङ १.९, विकास बैंक १६, होटल तथा पर्यटन २९, जलविद्युत् १६, जीवन बीमा ५५, उत्पादन ६, माइक्रोफाइनान्स १८, निर्जीवन बीमा ३२, अन्य ६ र व्यापार उपसमूह ३० अंकले बढेको छ । फाइनान्स उपसमूह भने ०.४ अंकले घटेको छ ।
आज सबैभन्दा धेरै थ्री स्टार हाइड्रोपावर र दोल्ती पावर कम्पनीको सेयर १० प्रतिशतले बढेको छ । यस्तै, ग्रीन भेन्चर, रुरु जलविद्युत् र आशा लघुवित्तको सेयर ९ प्रतिशत भन्दा धेरैले बढेको छ । समग्रमा बजार बढेपनि आज लिवर्टी इनर्जी कम्पनीको सेयर १० प्रतिशतले घटेको छ ।
यस दिन २७० कम्पनीको ३४ लाख कित्ता सेयर एक अर्ब ९ करोड रुपैयाँमा कारोबार भएको छ ।
