बुधबार सेयर बजारमा हरियाली छाएको छ । सेयर बजार परिसूचक नेप्से ३९.४८ अंकले बढेर दुई हजार विन्दुमा पुगेको छ ।
बैंकिङ १२, विकास बैंक १०६, फाइनान्स ५३, होटल तथा पर्यटन १५७, जलविद्युत् ७१, जीवन बीमा २७३, उत्पादन १०२, माइक्रोफाइनान्स ६९, निर्जीवन बीमा २४०, अन्य ३० र ब्यापार उपसमूह ६१ अंकले बढेको छ ।
आज सबैभन्दा धेरै बरुण हाइडरोपावर र शुभम् पावर लिमिटेडको सेयर १० प्रतिशतले बढेको छ । समग्रमा बजार बढे पनि आज थ्री स्टार हाइड्रोपावर कम्पनीको सेयर ८ प्रतिशतले घटेको छ ।
यस दिन २७५ कम्पनीको ५१ लाख ४४ हजार कित्ता सेयर एक अर्ब ४९ करोड रुपैयाँमा कारोबार भएको छ ।
