आइतबार सेयर बजार राताम्मे भएको छ। सेयर बजार परिसूचक नेप्से २८.१८ अंकले घटेर एक हजार ८७५.६५ विन्दुमा पुगेको छ ।
बैंकिङ १७, विकास बैंक ५५, फाइनान्स २३, जलविद्युत् २९, जीवन बीमा १९७, उत्पादन ५८, माइक्रोफाइनान्स ३४, अन्य उपसमूह १३, ब्यापार ७४, निर्जीवन बीमा १८२ र होटल तथा पर्यटन उपसमूह १२८ अंकले घटेको छ ।
आज सबैभन्दा धेरै सोनापुर मिनिरल्सको सेयर १० प्रतिशतले घटेको छ । समग्रमा बजार घटे पनि आज अपर सोलु हाइड्रो इलेक्ट्रिक कम्पनीको सेयर नौ प्रतिशतले बढेको छ ।
यस दिन २८६३ कम्पनीको २७ लाख १२ हजार कित्ता सेयर ७४ करोड २९ लाख रुपैयाँमा कारोबार भएको छ । सबैभन्दा धेरै नेशनल हाइड्रोपावर कम्पनीको चार करोड आठ लाख रुपैयाँको सेयर किनबेच भएको छ ।
