बुधबार सेयर बजार सामान्य अंकले बढेको छ । सेयर बजार परिसूचक नेप्से ५.१७ अंकले बढेर एक हजार ८६३.९४ विन्दुमा पुगेको छ ।
बैंकिङ २, फाइनान्स ५, जलविद्युत् १२, जीवन बीमा ५०, माइक्रोफाइनान्स ८, उत्पादन ५७, व्यापार उपसमूह ५ र अन्य उपसमहू १० अंकले बढेको छ । यस्तै, निर्जीवन बीमा उपसमूह २२, विकास बैंक १३ र होटल तथा पर्यटन ३३ अंकले घटेको छ ।
आज सबैभन्दा धेरै ग्लोबल आईएमई लघुवित्तको सेयर आठ प्रतिशतले बढेको छ । समग्रमा बजार बढे पनि आज कर्पोरेट विकास बैंकको सेयर साढे छ प्रतिशतले घटेको छ ।
यस दिन २८८ कम्पनीको ३१ लाख ५७ हजार कित्ता सेयर ७८ करोड २७ लाख रुपैयाँमा कारोबार भएको छ । सबैभन्दा धेरै सोनापुर मिनरल्स एन्ड आयल कम्पनीको पाँच करोड ६१ लाख रुपैयाँको सेयर किनबेच भएको छ ।
