आइतबार सेयर बजार परिसूचक नेप्से १७.३० अंकले घटेर दुई हजार ०१७.३३ विन्दुमा पुगेको छ ।
हाइड्रोपावर २, अन्य १२, विकास बैंक ४३, जीवन बीमा १०२, फाइनान्स १२, उत्पादन २६५, बैंकिङ ५, माइक्रोफाइनान्स ४६, होटल तथा पर्यटन ३९ र ब्यापार उपसमूह ४८ अंकले घटेको छ । त्यस्तै, आज निर्जीवन बीमा उपसमूह भने १३ अंकले बढेको छ ।
आज सबैभन्दा धेरै सर्वात्तम सिमेन्टको सेयर ९.९९ प्रतिशतले घटेको छ । समग्रमा बजार घटे पनि आज माया खोला हाइड्रोपावरको सेयर भने १० प्रतिशतले बढेको छ ।
यस दिन ३१६ कम्पनीको ७९ लाख कित्ता सेयर ३ अर्ब २० करोडमा कारोबार भएको छ ।
