काठमाडौँ । मंगलबार सेयर बजार परिसूचक नेप्से २८.६२ अंकले बढेर दुई हजार २७.५१ विन्दुमा पुगेको छ ।
बैंकिङ २, विकास बैंक ५९, अन्य १७, हाइड्रोपावर ७६, जीवन बीमा १४१, माइक्रोफाइनान्स १४६, निर्जीवन बीमा १९०, व्यापार ०.८४, उत्पादन १६, होटल तथा पर्यटन ४८ र फाइनान्स उपसमूह ६ अंकले बढेको छ ।
आज सबैभन्दा धेरै समाज लघुवित्त, उपकार लघुवित्त र यूनिक नेपाल लघुवित्तको सेयर १० प्रतिशतले बढेको छ । समग्रमा बजार बढे पनि आज हिमालयन उर्जा विकास कम्पनीको सेयर सेयर साढे ४ प्रतिशत भन्दा धेरैले घटेको छ ।
यस दिन ३२० कम्पनीको ९८ लाख कित्ता सेयर ४ अर्ब ८ करोडमा कारोबार भएको छ ।
