काठमाडौँ । नेपाली बजारमा आज सुनको मूल्यले नयाँ रेकर्ड कायम गरेको छ ।
नेपाल सुनचाँदी व्यवसायी महासंघका अनुसार आज छापावाल सुन प्रतितोला ९०० रुपैयाँले बढेर १ लाख ४१ हजार ८०० रुपैयाँमा कारोबार भइरहेको छ । त्यस्तै, तेजावी सुनको मूल्य प्रतितोला १ लाख ४१ हजार १०० रुपैयाँ कायम भएको छ ।
महासंघका अनुसार आज चाँदीको मूल्य पनि प्रतितोला ३० रुपैयाँले बढेर १९ सय ४० रुपैयाँमा किनबेच भइरहेको छ । चाँदीको मूल्य पनि हालसम्मकै उच्च हो ।
