काठमाडौँ । आइतबार सेयर बजार परिसूचक नेप्से ४.५९ अंकले घटेर दुई हजार ०७३.१९ विन्दुमा पुगेको छ ।
बैंकिङ १०, विकास बैंक २४, फाइनान्स १९, जीवन बीमा ६९, निर्जीवन बीमा ४८, माइक्रोफाइनान्स ५१ र व्यापार उपसमूह ४७ अंकले घटेको छ । त्यस्तै, होटल तथा पर्यटन १५५, हाइड्रोपावर २४, अन्य ०.१४ र उत्पादन उपसमूह ३३ अंकले बढेको छ ।
आज सबैभन्दा धेरै बुद्धभूमी नेपाल हाइड्रोको सेयर १० प्रतिशतले घटेको छ । समग्रमा बजार घटेपनि आज इस्टर्न हाइड्रोपावर, शुभम पावर लिमिटेड, सिटि होटल र कुथाली बुकारी स्मल हाइड्रोपावरको सेयर १० प्रतिशतले बढेको छ ।
यस दिन ३१३ कम्पनीको एक करोड ४ लाख कित्ता सेयर ५ अर्ब १८ करोडमा कारोबार भएको छ ।
