अमेरिकन लिग सकरअन्तर्गत टोरन्टो क्लबविरुद्ध इन्टर मियामीले सहज जित दर्ता गरेको छ । आज बिहान सम्पन्न खेलमा मियामीले टोरेन्टोविरुद्ध ३–१ को जित दर्ता गरेको हो ।
मियामीको जितमा फेडेरिको रेडोन्डोले दुई तथा डिएगो गोमेजले एक गोल गरे । टोरेन्टोका डेरीक एटीएने जुनियरले एक गोल फर्काए ।
आजको खेलमा केही दिनअघि कोपा अमेरिका जितेका कप्तान लिओनल मेस्सी थिएनन् । चोटका कारण उनले मियामीको अर्को खेल पनि गुमाउने छन् । यस्तै, मियामीमै आबद्ध उरुग्वेका स्टार लुइस सुआरेजले पनि आजको खेल खेलेका थिएनन् ।
यो जितपछि मियामीको इस्टर्न कन्फेरेन्समा २४ खेलमा ५० अंक भएको छ । ऊ अहिले शीर्षस्थानमा रहेको छ । पराजित टोरन्टो २५ खेलबाट २७ अंकसहित आठौँ स्थानमा छ ।
