नेपाली क्रिकेट टोली प्रशिक्षणका लागि भारत प्रस्थान गरेको छ । आइसिसी क्रिकेट विश्वकप लिग–२ अन्तर्गत क्यानडामा हुने एकदिवसीय शृंखलाको तयारीका लागि टिम सोमबार भारत प्रस्थान गरेको हो ।
नेपाल क्रिकेट संघ (क्यान) का अनुसार टिमले भारतमा दुई साता प्रशिक्षण गर्नेछ । नेपालले भारतको बेंगलुरुस्थित राष्ट्रिय क्रिकेट एकेडेमीमा अभ्यास गर्ने क्यानले जनाएको छ ।
भारतमा प्रशिक्षण गरेपछि नेपाली टिम सेप्टेम्बरमा हुने सिरिजका लागि क्यानडा भ्रमणमा निस्कनेछ ।
