एजेन्सी ।
संयुक्त राष्ट्रसंघीय महासभामा आफूलाई अनावश्यक हिलो छ्यापेको भन्दै चीनले अमेरिकासँग आक्रोश व्यक्त गरेको छ ।
७५औँ राष्ट्रसंघीय महासभामा अमेरिकी टोलीले कोरोना महामारीको वास्तविकतालाई दुत्कार्दै चीनमाथि निराधार प्रहार गरेको चीनको ठहर छ ।
कोरोना भाइरस पूरै मानवजातिको साझा शत्रु र प्रकृतिमा अर्को अज्ञात भाइरस भएपनि अमेरिकाले यसमाथि राजनीति गरेको चीनको आरोप छ ।
चीनले सुरुमै महामारीको जानकारी दिनुका साथै भाइरसको प्याथोजेनको निश्चित गरेर जीन अनुक्रमका बारेमा प्रारम्भिक कालमै जानकारी दिएको स्पष्ट पार्दै सबैभन्दा उन्नत र विकसित मुलुकको हैसियतमा अमेरिका महामारीमा सबैभन्दा गम्भीर बनेपछि चीनलाई दोष लगाउनु जिम्मेवारीबाट पन्छिने तरिका मात्र भएको चीनको भनाई छ ।
जलवायु परिवर्तनका प्रतिवद्धतामा पनि प्रश्न
जलवायु परिवर्तन तथा वातावरण संरक्षणमा चीनले अनेकन नीति तथा कदम चालेर निर्धारित योजनाभन्दा २ वर्षअघि सन् २०२० मै जलवायु गतिविधिको लक्ष्य पूरा गरेको बताउँदै चीनले अमेरिकाले क्योटो प्रोटोकोल र बासेल कन्भेन्सनलाई अस्वीकार गरेर मानव जातिलाई धोका दिएको बताएको छ । अमेरिकाले जलवायु परिवर्तनमा अरू देशको आलोचना गर्न नसुहाउने चीनको भनाई छ ।
यो पनि हेर्नुस्-
साउथ चाइना सीमामा अमेरिकी रबैयाः नियमवपरित कोड बदलेर जासुसी विमान
चीनले कसरी जित्यो कोरोनाः चिनियाँ राष्ट्रपतिको जवाफ (भिडियोसहित)
