जनादेश स्पोर्ट्स ।
चेल्सीले च्याम्पियन्स लिग फुटबल अन्तर्गत अन्तिम १६ को पहिलो लेगमा जित हाँसिल गरेको छ।
अवे मैदानमा भएको खेलमा चेल्सीले स्पेनिस क्लब एथ्लेटिको मड्रिडलाई १–० ले पराजित गरेको हो । भ्रमण टोली चेल्सीका लागि ६८ औँ मिनेटमा ओलिभर जिरउडले गरेको गोल नै निर्णायक बन्यो ।
जिरउडले अति उत्कृष्ट ओभरहेड किक गोलमा परिणत भएको हो। ३४ वर्षका विश्व कप विजेता जिरउडले आफू पूर्ण रुपमा फिट रहेको र अझै पनि २० वा २४ वर्षको जस्तो गरि प्रशिक्षण लिने गरेको उल्लेख गरेका छन् । दोस्रो लिग चेल्सीको मैदानमा हुनेछ ।
