एजेन्सी ।
चीनले साउथ चाइना सीमा उडिरहेको एक अमेरिकी जासुसी विमानले परिचय बदलेर गतिविधि गर्न खोजेको बताएको छ ।
अमेरिकी जासुसी विमानले फिलिपिन्सको विमानजस्तो देखिनेगरी आफ्नो हेक्स कोड परिवर्तन गरेको चीनको भनाई छ । बेइजिङस्थित साउथ चाइना सी स्ट्रटेजिक सिचुएसन प्रोबिङ इनिसियटिभ र एयरक्राफ्ट स्पट्स नामक संस्थाका अनुसार सो विमानले उडानका क्रममा हेक्स कोड परिवर्तन गरेको हो।
इन्टरनेसनल सिभिल एभियसन अर्गजनाइजेसनले सबै विमानलाई परिचयका रुपमा बदल्न नपाउने गरी हेक्स कोड दिने गर्छ। तर, अमेरिकी जासुसी विमानले चिनियाँ जलक्षेत्रनजिक पुगेर फिलिपिन्सको विमानलाई दिइएको हेक्स कोड देखाएको थियो।
चिनियाँ विदेश मन्त्रलयका अनुसार अमेरिकी सेनाले यो वर्ष एक सय पटक भन्दा बढी यस्तो चाल चलिसकेको छ।
अमेरिकाले भने यस्तो आरोप खण्डन गर्दै आएको छ ।
यो पनि हेर्नुस्-
अमेरिकालाई चीनको चेतावनीः अनर्गल प्रचारले सम्बन्ध समाप्त हुन सक्छ
चीनबारे अनर्गल प्रचार नगर्न भारतीय मिडियालाई बेइजिङको चेतावनी
