एजेन्सी ।
पत्ताउन नसकिने जस्तो लाग्छ । यो सत्य घटना हो । भारतको तेलंगना राज्यमा दुई बाख्रालाई प्रहरी हिरासतमा लिएको छ । बाख्राहरुले अस्पताल परिसरमा भर्खर रोपिएका बिरुवा खाईदिएपछि पक्राउ परेका हुन् ।
रुख बचाऔं अभियानका कार्यकर्ताहरुले चरिरहेका बाख्रालाई समातेर प्रहरीमा बुझाएका थिए । प्रहरीले बाख्रा मालिकलाई आफ्ना बाख्राहरु सम्हालेर राख्न सुझाव दिँदै रु १६०० जरिवाना तिराएर बाख्रलाई छाडेको थियो ।
सेव द ट्रिज आयोजनाका १ सय ५० बिरुवा बाख्राले खाईदिए पछि उक्त संस्थाका कार्यकर्ताहरुले यस्तो जुक्ती लगाएका थिए । बाख्रा मालिकलाई सम्झाउने उद्देश्यले जरिवाना गरिएको प्रहरीको भनाई रहेको थियो ।
