जनादेश संवाददाता
रुकुम पश्चिम। रुकुम पश्चिमको सदरमुकाम मुसिकोट नगरपालिकाको खलंगा क्षेत्रमा निषेधाज्ञा जारी गरिएको छ ।
कोरोना संक्रमणलाई नियन्त्रण गर्न भन्दै भोली बिहान ४ बजेदेखि भदौ २ गतेसम्म सदरमुकामको खलंगामा निषेधाज्ञा गरिएको हो ।
जिल्ला प्रशासन कार्यालय रुकुम पश्चिमले आज सार्वजनिक सूचना निकालेर सदरमुकामको खलंगा बजार क्षेत्रमा निषेधाज्ञा गरिएको जनाएको छ ।
सिल गरिएको क्षेत्रमा रहेका सबै होटल तथा पसल, सार्वजनिक तथा निजी यातायातका साथै पैदल यात्रामा समेत रोक लगाइएको छ ।
