जनादेश, काठमाण्डौ । सोमबारका लागि बोलाएको नेकपा माओवादी केन्द्रको स्थायी कमिटी बैठक स्थगित भएको छ ।
आज दिउँसो १ बजेका लागि बैठक बोलाइएको थियो । पछिल्लो राजनीति अवस्थाबारे अन्य दलसँग छलफल गर्नुपर्ने भएकाले बैठक स्थगित गरिएको नेकपा माओवादी केन्द्रले जनाएको छ।
अब अर्को बैठक मंगलबार १ बजे बस्नेछ। माओवादी केन्द्रको आज बस्ने भनिएको बैठकमा सरकारलाई दिएको समर्थन फिर्ताबारे छलफल गर्ने नेताहरुले बताएका थिए ।