जनादेश विश्लेषण ।
प्रधानमन्त्री केपी शर्मा ओलीले असंबैधानिक संसद विघटन गरेपछि उनले निजी मिडियाको सम्पादकीय स्वतन्त्रतामाथि गालीको माध्यमबाट धावा बोलिरहेका छन् भने सरकारी सञ्चार माध्यमलाई मुखपत्रमा परिणत गरेका छन् ।
दुई दिन अघि ओली सरकारका मन्त्री पूर्वमाओवादी नेता मणि थापाले श्री ५ को सरकार भनेका थिए । ओलीको शैली हेर्दा श्री ५ को भन्दा कुनै पनि प्रकारले भिन्न लाग्दैन । ठाँटबाँट देखि अरुलाई होच्याउने तोच्छ्उयाउने उनको रवाफी शैली र त्यसलाई प्रचार गर्ने सरकारी सञ्चार माध्यमको सयन्त्रले पञ्चायतकाललाई पछि पार्न थालेको छ ।
स्वास्थ्यको कारण देखाएर महिनौं देखि सिंहदरबार नपुगेका प्रधानमन्त्री ओली अहिले चुनाव लक्षित देश दौडाहामा छन् र उनले गरेका सामान्य गुट भेलालाई पनि नेपाल टेलिभिजन देखि अन्य सरकारी सञ्चार माध्यमले प्रत्यक्ष प्रसारणमात्र होइन पटक पटक दोहोर्यार देखाउने र सुनाउने गरेका छन् ।
महिनौंदेखि सिंहदरबार जान अरुची राखेका प्रधानमन्त्री ओलीको टोल-टोलमा गुटगत कार्यकर्ता भेला गरेर भाषण गर्ने जोश रोचक छ । अझ रोचक त नेपाल टेलिभिजनबाट भेलाको प्रत्यक्ष प्रशारण गर्नु हो । कस्तो काइदा : सरकारी टेलिभिजनबाट कार्यकर्ता भेलाको प्रत्यक्ष प्रशारण ! अनि बढ्दैन त विश्वसनियता ! pic.twitter.com/hycYQL0oJg
— Achyoot Paudel (@achyootp) January 2, 2021
ओलीले आफू बाहेक सबैलाई गरेका गालीलाई सरकारी सञ्चार माध्यमले मन्त्र बराबर बनाएर पुनः प्रसारण गरिरहेका छन् । प्रचण्ड नेपाल समूहका ठूला ठूला सभा र नागरिक समाजको आन्दोलनलाई देखेको नदेख्यै गर्ने सरकारी सञ्चार माध्यमले ओलीको भाषणलाई बढाई चढाइ सम्प्रेषण गर्छन् ।
प्रम ओलीकाे भाषण @radio_nepal काे पहिलाे समाचार – ४/५ वटा बाइट सहित। प्रचण्ड-नेपालकाे बिराेध प्रदर्शनकाे समाचार अन्त्यतिर – बिना कुनै बाइट ! २०४५/४६ सालतिर रेडियाे नेपालमा समाचार पढ्दाकाे संझना! खै के परिवर्तन अाएछ ३० बर्षमा ?
— Suman Kharel (@kharel8) January 22, 2021
ओली संसद विघटन अघी देखि नै निजी सञ्चारमाध्यमप्रति भने निक्कै अनुदार देखिन्छन् । मे दिवसका अवसरमा प्रधानमन्त्री ओलीले भनेका थिए, “नेपालका केही सञ्चारमाध्यम र सामाजिक सञ्जालमा पनि स्थिरता, स्थायित्व र विकासका विरुद्ध देशलाई अस्थिरतातर्फ धकेल्ने प्रवृत्तिका प्रयासको समाचार सम्प्रेषण र चर्चा भइरहेको देखिन्छ।”
“एकातिर सम्पूर्ण नेपाली जनता र सिङ्गै विश्व कोरोनाभाइरस महामारीका विरुद्ध लडिरहेको अवस्था छ, अर्कातिर यही अप्ठ्यारो परिस्थितिको मौका छोपेर अस्थिरताका प्रयास गरिनु दुःखद कुरा हो।”
त्यससअघि एक पटक प्रधानमन्त्री ओलीले नेपाली सञ्चारमाध्यमले तपाईँ भन्न नजानेको आरोप लगाएका थिए भने अर्को पटक सरकारले गरेका राम्रा कामको चर्चा नभएको र प्रशंसा गर्नका लागि “मुटु र मन भएका सम्पादकहरू नभएको” बताएका थिए।
विश्वभरका प्रेस काउन्सिलसम्बन्धी मान्यताले काउन्सिललाई कार्यपालिकाको छायाँबाट बाहिर स्वायत्त निकायका रुपमा राख्ने गरेको भए पनि नेपालमा भने प्रधानमन्त्री मन्त्रीको खल्तीको संस्थाका रुपमा राखेर प्रेसलाई नियन्त्रण गर्ने लक्ष्य राखेको छ । ओलीलाई ‘बा’ भन्ने पूर्वमन्त्री महेश बस्नेतले त केही मिडिया र सम्पादकको नामै लिएर साइबर सेना लाइदिन्छु भन्ने धम्की दिँदै आएका छन् ।
ज्ञानेन्द्रलाई पनि पछि पार्दै ओली
माघ १९ को सेरोफेरोमा ओलीको शैली पनि ज्ञानेन्द्र साहको भन्दा कम छैन । सरकारी खर्चमा पार्टीको कार्यक्रमका लागि दौडाहमा निस्कँदा हुनसक्ने सम्भावित विरोध र आलोचना रोक्न र घोषित निर्वाचनअघि सरकारको काम देखाउन उनले शिलान्यास र उद्घाटनलाई तीव्रता दिन थालेका छन् । पार्टीका आमसभामा सहभागी हुन कार्यक्रमस्थलसम्म पुग्न भने उनले विकासको आयोजनाहरुका नाममा राज्यकोषको खर्च गरिरहेका छन् । र ती गतिविधिलाई सरकारको नियन्त्रणमा रहेका सबैजसो सञ्चार माध्यमले भक्ति संगीतकै शैलीमा सम्प्रेषण गरिरहेका छन् ।
यो पनि हेर्नुस्_ संसद विघटनलाई धक्काः ‘रातो प्रतिगमन’विरुद्ध आज ७७ जिल्लामा कांग्रेसको प्रदर्शन
