जनादेश, काठमाडौँ ।
साताको पहिलो दिन आइतबार नेप्से परिसूचकमा हरियाली छाएको छ ।
आज नेप्से ७१.४३ अंकले बढेर २ हजार ९४७.४२ विन्दुमा पुगेको छ । आज बैंकिङ २४.२, व्यापार ४२, होटल तथा पर्यटन ७७.४८, विकास बैंक २७३.५२, जलविद्युत २१३.५४, फाइनान्स ११४.९७, निर्जीवन बीमा ४२४.७७, उत्पादन २९९.६९, माइक्रोफाइनान्स ११३.६५ र जीवन बीमा समूह २९७.७१ अंकले बढेका छन् । त्यस्तै, अन्य समूह भने १८.२२ अंकले बढेको छ । आज अन्य समूह बढीरहँदा सामूहिक लगानी कोष भने ०.०५ ले घटेको छ ।
आज १० कम्पनीको शेयर आज १० प्रतिशतले बढेको छ । आज दुई सय ३१ कम्पनीका एक करोड १७ लाख कित्ता शेयर नौ अर्ब ४४ करोड रुपैयाँमा किनबेच भएका छन् । सबैभन्दा धेरै अरुण भ्याली हाइड्रो कम्पनीको ७२ करोड रुपैयाँको शेयर कारोबार भएको छ ।
