नेपाली बजारमा आज सुनको मूल्य घटेको छ ।
नेपाल सुनचाँदी व्यवसायी महासंघका अनुसार आज छापावाल सुन प्रतितोला ६०० रुपैयाँले घटेर १ लाख ३८ हजार ६०० रुपैयाँमा कारोबार भइरहेको छ । त्यस्तै, तेजावी सुनको मूल्य प्रतितोला १ लाख ३७ हजार ९५० रुपैयाँ कायम भएको छ ।
महासंघका अनुसार आज चाँदीको मूल्य भने प्रतितोला १० रुपैयाँले बढेर १७ सय २५ रुपैयाँमा किनबेच भइरहेको छ ।
अन्तर्राष्ट्रिय बजारमा आज सुन प्रतिऔंस २ हजार २७४ डलर र चाँदी प्रतिऔंस २८ डलरमा कारोबार भइरहेको छ ।
