प्रकाशचन्द्र नेपाली,
घोराही । दाङमा आज ३ जना पुरुषमा कोरोना संक्रमण पुष्टि भएको छ । देउखुरीको गढवा गाउँपालिका वडा नम्बर ८ कोइलाबासमा भारतबाट आएका ४५ र २१ बर्षमा दुई पुरुषमा कोरोना देखिएको हो ।
उनिहरु केही दिन पहिले भारतबाट आएर घरकै क्वारेन्टाईनमा बसेको गाउँपालिकाका स्वास्थ्य शाखा प्रमुख कैलाश चौधरीले जानकारी दिनुभएको छ । ४० जना व्यक्तिहरुको स्वाब परिक्षण गरिएको र २ जनामा कोरोना देखिएको उहाँको भनाई छ ।
रुपन्देहीको प्रदेश जनस्वास्थ्य प्रयोगशाला बुटवलमा उनिहरुको स्वाब परिक्षण गरिएको हो । यसैबिच लमही नगरपालिका ५ का ३८ बर्षिय एक पुरुषमा पनि कोरोना देखिएको छ ।
भेरी अस्पताल नेपालगञ्जमा गरिएको परिक्षणमा दुवईबाट आएका ति पुरुषमा कोरोना भाइरसको संक्रमण देखिएको हो । यो सँगै दाङमा कोरोना संक्रमितको संख्या ६ सय ५७ पुगेको छ । ति मध्य ६ सय २६ जना कोरोना मुक्त भएर घर फर्किसकेका छन् ।
